wWw.Studeenti.CoM

Kaluan një javë qëkurse ka filluar njëri ndër festivalet më të mëdha të muzikës në të gjitha trojet shqiptare, “Top Fest 6”.

Festivali i cili fillon në të njëjtën kohë me, “Big Brother Albania”, përcillet me muzikë të zhanreve moderne, por edhe me thashetheme të ndryshme për më të njohurit shqiptarë.

Vitin e kaluar, Top Fest 5, ishte fituar nga këngëtarja, Besë Kokëdhima, e cila së fundmi është vlerësuar për vokalin e saj në festivalin e këngës në Rumani.

Nga Kosova, mësohet se në këtë spektakël do të merr pjesë grupi “Da Ligs”, “Vër8”, \"Libri\" dhe \"Garazhat\". Por, këta nuk do të jenë të vetmit pasi që ende nuk është publikuar një listë përfundimtare.

Më parë në këtë festival kishin marrë pjesë edhe Shpat Deda, i cili kishte arritur që të fitoj njërin nga çmimet, kurse me çmime kishte marrë edhe Vesa LUma, pastaj Zanfina Ismajli një javë me pas dhe shumë këngëtarë të tjerë.

 

 

Genta operon hundën!

Këngëtarja Genta Ismajli ka pasur një ndërhyrje kirurgjike në hundë. Ajo e ka treguar këtë në një intervistë për emisionin Express Live në Koha Vision, ku ndër të tjera ka folur edhe për videoklipin e saj të ri \"E pamundur\". \"Jam operuar për shkak të vështirësive me frymëmarrjen. Tash ndihem më mirë\", ka thënë Genta. Një intervistë të zgjeruar me Gentën rreth videoklipit të saj të ri \"E pamundur\" do të mund ta ndiqni në edicionin e sotëm të Express Live. Përpos kësaj Genta do të flet edhe për lidhjen e saj me Milotin. A ka menduar Genta për fejesë apo martesë?

Afërdita Dreshaj, do martohem me Shpatin

---

Afërdita Dreshaj ka arritur prej vitesh suksesin në Michigan të Amerikës, si modele. Kurse në Shqipëri, ajo u bë e njohur vetëm pasi mori pjesë në “Miss Shqipëria 2007”, ku u shpall dhe shoqëruesja e parë e misit.


Duke qenë se njerëzit prisnin që në fakt titullin ta fitonte ajo, Afërdita na mbeti në mendje të gjithëve. Po kjo edhe për një arsye tjetër… Ato kohë përflitej se bukuroshja shqiptare nga Mali i Zi kishte një lidhje me këngëtarin Shpat Kasapi. Pas një heshtjeje të gjatë, pak muaj më parë çifti e pranoi lidhjen edhe publikisht. Afërdita tregon se ata të dy duhen shumë dhe se lidhja e tyre është serioze. As martesa, s`duhet përjashtuar!

Afërdita, shumë të reja ka në jetën tënde profesionale… Mund të na flasësh konkretisht për to?

Falë Zotit gjërat në karrierën time kohët e fundit kanë shkuar shumë mirë, jam e kënaqur. Sa vjen dhe gjërat bëhen më mirë… Kam lidhur kontratë me një nga agjencitë më prestigjioze në Miami dhe Los Aneles. Kurse këtu në Michigan kam bërë tre reklama në televizion, njëra prej të cilave është bërë për llogari të “Chrysler Jeep 2009”, versioni më i fundit i markës prestigjioze të makinave, Jeep. Gjithashtu kam sfiluar për fashion designer-at Beldga Mishka dhe Escada. Ndërkohë që në Evropë kam nënshkruar një kontratë prestigjioze me agjencinë “Scout-International”, e cila do të më ndihmojë të lidh disa kontrata të rëndësishme me agjencitë më në zë të Evropës. Kurse lajmi më i bukur është, se do të vendosem për rreth tre muaj në Greqi, në fund të muajit gusht.

Çfarë do të të sjellë në Greqi?

Kam nënshkruar një kontratë me një agjenci të njohur në Athinë, ku do të punoj si modele për rreth tre muaj. Pas Greqisë, kam një ofertë për të punuar disa kohë në Japoni, të cilën sigurisht që s‘mund ta refuzoja. Hahahaha. Për momentin, këtu në Michigan këtë verë jam në përgatitje të një projekti… Do të jem fytyra zyrtare e një pijeje energjike.

Do të jesh në Greqi, pra shumë afër Shqipërisë. Kjo do të thotë se do të të shohim më shpesh në Tiranë?

Eh, erdhi më në fund gushti… hahaha. Mezi e prisja, pikërisht sepse do të jem afër Shqipërisë. Po, është e vërtetë që Greqia është shumë afër, prandaj them se do të vij e do të rri ca kohë edhe në Tiranë. Përpara se të shkoj në Greqi, gjatë kohës që do jem atje por edhe më pas. Hahaha. Gjatë vikendeve modelet janë zakonisht më të lira dhe nga Athina, Tirana është vetëm një avion larg.

Si shumë e lidhur me Shqipërinë. Ke menduar ndonjëherë të vish e të jetosh përfundimisht një ditë këtu? E lidhur me Shqipërinë?

Normale. E di pse? Sepse jam vetë shqiptare dhe vërtet që e dua “të qenit shqiptare”, jam e lumtur. Duke qenë se jam në mërgim, e ndjej edhe më tepër dashurinë për rrënjët, vendlindjen. Të vendosem një ditë përfundimisht në Tiranë? Hmmm… E pse jo, tek e fundit?! Ndoshta edhe kjo bëhet në të ardhmen. Po, do vij të jetoj në Shqipëri një ditë, po me një kusht ama… Që ata që kam aty dhe i dua shumë, të mos ikin askund, po të rrinë aty me mua. Hahaha. S`do ishte diçka e çuditshme!

Çfarë të lidh kaq shumë me Shqipërinë? Jeta e natës, pabet e bukura apo çfarë tjetër?

Siç të thashë dhe pak më parë, më pëlqen Shqipëria si vend por dhe njerëzit, mënyra si ata janë gatuar, sa të ngrohtë dhe miqësor janë, gjë që nuk e gjej këtu në Amerikë. Më pëlqen jeta e ditës, jeta e natës, fundjavat… gjithçka në Tiranë. Gjithmonë kam kaluar bukur këtu, ndaj fluturoj nga gëzimi sa herë që kthehem. Për herë të parë ky vend më ka hyrë në gjak kur mora pjesë në “Miss Shqipëria 2007” dhe që atëherë, jam dashuruar me vendlindjen. Hahaha.

Meqë dolëm te “Miss Shqipëria”… E pe spektaklin e vitit 2008?

Në fakt, s‘e pashë sepse isha në një sesion fotografik, pastaj oraret ndryshojnë nga Shqipëria në Amerikë dhe ky përbën një problem në kësi rastesh. Por i jam njohur me vajzat përmes internetit dhe prezantimit të tyre në “Vizion plus”, i kam parë me kureshtje edhe në fotografi. Dhe mund të them se ishin jashtëzakonisht të bukura!!! Kam folur edhe me Petrin (Bozo) për këtë, ai më tha treguar disa gjëra interesante për konkurentet e këtij viti.

Po besoj se kur konkurroje ti, vajzat ishin më të bukura, apo jo?

Çdo vajzë e ka bukurinë e vetë. Unë vajzat me të cilat qëllova në konkurrim vitin e shkuar, i kam njohur dhe admiruar jo thjesht nga bukuria fizike, por kam njohur dhe pëlqyer njëkohësisht personalitetin e sjelljen e tyre.

Shkëputemi nga ky aktivitet. Si është aktualisht jeta jote në Amerikë? Më tepër punon apo argëtohesh për momentin?

Afërdita: Jeta ime për momentin… Jam shumë, shumë e zënë, me thënë të drejtën. Kam qenë e angazhuar me punët këtu në Michigan, sikurse dhe në Miami, që ka hyrë së fundi në agjendën time të punës. Muajin tjetër jam gjatë gjithë kohës pikërisht në Miami, kam atje një javë mode. Pas kësaj, vjen momenti për t‘u nisur në Greqi, sikurse ju thashë edhe pak më sipër. Duhet kohë që të bëhem gati. Kam gjithashtu një ofertë në Kore, e cila vjen pas Greqisë dhe Japonisë. Nëse duhet ta fitoj këtë kontratë, duhet të përgatitem dhe punoj shumë, kështu që koha ime është tmerrësisht e zënë dhe e ngarkuar. Pavarësisht se të jesh modele mund të duket e lehtë, s‘është aspak kështu, për këtë ju garantoj. Sa për argëtimin… Sapo gjej pak kohë të lirë, normale që dal dhe zbavitem me miqtë e mi. Besoj se më shumë qejf do bëj kur të jem në Evropë, sepse aty do përjetoj plot gjëra të reja. Mua gjërat e reja më entuziazmojnë!

Ti dhe Shpati jetoni në dy kontinente të ndryshme… Si e ndjen veten larg tij?

Të them të drejtën, jemi larg fizikisht por mbetemi shumë afër me zemër. Kjo e mposht largësinë… Për fat të mirë, së shpejti do të jemi afër edhe fizikisht, sepse kur të jem në Evropë, herë do vij Shpati tek unë, e herë unë tek ai.

Ti në fakt, erdhe pak muaj më parë enkas për Shpatin në Tiranë. Ishte koha kur u shkruan thashetheme për të në shtyp dhe ti erdhe t‘i qëndroje pranë.

E vërtetë! Dua të jem aty, sa herë që ai ka nevojë për mua!

Meqë jemi këtu… Të bezdis fakti që në shtyp shkruhen kaq shumë thashetheme për të dashurin tënd?

Po edhe më bezdis, megjithatë, në momentin që kemi zgjedhur këtë profesion, i cili na ka bërë persona publikë, duhet të pranojmë edhe pasojat. E keqja është se shtypi ndonjëherë e tepron në Shqipëri dhe këtyre gjërave u duhet dhënë fund. Hera e fundit që kanë shkruar diçka për Shpatin, mikesha jonë e përbashkët Çiljeta kishte thënë fjalë shumë të bukura për të dhe për mua. Më kishte cilësuar “të bukur” dhe e falënderoj, po Çili është si rrush edhe vetë. Hahahaha. E puth fort!

Si jeni njohur ju me Shpatin?

Kisha shkuar te të afërmit e mi në Mal të Zi. Ato kohë nuk e njihja Shpatin, s‘e dija me se merrej. Për më tepër, tre vjet më parë ai nuk ishte kaq i njohur sa sot. Miq të përbashkët më thanë kur na prezantuan: “E njeh kush është ky?”. Për fat të keq, s‘e njihja atë që më pas do bëhej kaq i rëndësishëm për mua. Po që në momentin e parë ama, ndjeva diçka për të. Shpati është lidhja ime e parë dhe uroj, e fundit!

Inatosesh kur në shtyp Shpatin “e lidhin” me femra të tjera?

Fare s‘na shqetësojnë këto që thuhen lart e poshtë, sepse “na jena na”, siç thotë Adelina Ismajli në këngën e saj. Jemi ne të dy dhe askush tjetër! S‘ka vend për thashetheme, ato s‘mund ta prishin lumturinë tonë.

Gjatë tërë kohës shpreheni se lidhja juaj është serioze. Sa serioze është kjo lidhje, në fakt? Aq sa të kemi një fejesë apo martesë, së shpejti?

Për momentin unë dhe Shpati nuk i kemi kushtet të mendojmë aq konkretisht për një fejesë apo martesë, po sigurisht që do të ketë një të tillë në të ardhmen, ndonëse ne s‘kemi folur kurrë për data. Por sigurisht, ëndrra ime është që një ditë të martohem me njeriun që dua dhe do të martohem. Hahaha.

E ke fantazuar ditën tënde të dasmës?

Çdo vajzë e imagjinon veten nuse dhe unë s‘bëj përjashtim. Megjithatë për momentin jam e kënaqur edhe thjesht me dashurinë që i falim njëri-tjetrit, sepse jam shumë e zënë me karrierën. E rëndësishme është që ndihemi mirë me njëri-tjetrin, kuptohemi dhe duhemi. Kjo na mjafton, të tjerat janë thjesht formalitete.

Si e ke imagjinuar veten nuse?

Një herë madje, jam veshur si nuse… Hahaha. Do doja që atë ditë të isha më e bukur se kurrë, po rëndësi ka që do të jem përkrah princit tim të kaltër.

 

 

 

 

Ja ku na vjen edhe një lajm i freskët nga jeta private e këngëtares simpatike Rovena Stefa. Në fakt për jetën e saj artistike ne kemi vazhdimisht lajme, pasi Rovena është një nga këngëtaret me axhendën më të ngjeshur.Pak kohë më parë u fol për ndarjen e Rovenës nga ish i dashuri i saj, i cili ishte nga Maqedonia por nuk kishte lidhje me artin. Pas kësaj ndarjeje, kaluan disa muaj dhe asnjë informacion për jetën private të Rovenës edhe pse një ide e kishim se nëse do të lidhej mund të ishte përsëri një djalë nga Kosova apo Maqedonia, vende ku ajo rri më shumë pasi atje edhe kërkohet më shumë.Ndërsa tani burime të sigurta na tregojnë se, Rovena ka dy muaj që është lidhur me një djalë 28-vjeçar, shumë simpatik i cili ka qenë ushtar i UÇK-së.

Ai ka luftuar gjatë kohës kur lufta në Kosovë ishte në kulmin e saj, ndërsa tani nuk është më ushtarak. Momentalisht ai punon si këshilltar afër një politikani shumë të njohur kosovar dhe ndër të tjetra është një figurë e njohur nga kosovarët. Ja pra Rovena edhe kësaj radhe me të vërtetë nuk u lidh me një artist, por mesa duket edhe ai është i njohur njëlloj si Rovena por në një fushë tjetër.Edhe pse lidhja ka dy muaj që ka filluar, duket se për çiftin gjithçka po shkon më së miri. Të shohim se si do të ecë kjo lidhje dhe sapo të kemi një fotografi të çiftit do ta botojmë për kënaqësinë e të gjithë atyre fansave, që duan të dinë sa më shumë për Rovenën.

Këngëtarja Vesa Luma e cila u rëndit e dyta për çmimin e madh të Top Fest 5, si dhe fitoi çmimin e platformës "DigitAlb", ka paralajmëruar për media se së shpejti do të paraqitet me një spot të saj.
Këngëtarja e cila ka pasur një problem me shitjen e albumit të saj të fundit ka thënë se promovimi më i mirë është krijimi i spoteve, pasi që vetëm kështu mund të arrin një sukses dhe të ftohesh nëpër koncerte nëpër trojet e shqipes dhe me gjerë.
Luma ishte finaliste në edicionin e “Etheve të së premtes mbrëma”, të prezantuesit shqiptar, Adi Krasta, dhe që nga ajo kohë ka pasur një sukses të konsiderueshëm në Kosovë dhe Shqipëri.

 

 

Shumë shpejt, këngëtarja e njohur kosovare Genta Ismajli do të nisë turneun e saj në Amerikë, kryesisht në qytetet me komunitet më të fortë shqiptar. Për të gjithë fansat e saj në kontinentin tjetër, janë bërë të ditura datat për koncertet në Çikago dhe Miçigan.
Në Çikago pikërisht në datën 23 maj, koncerti do të jetë në “Park West”. Ajo do të shoqërohet nga këngëtaret Vera Oruqaj dhe Sunaj Saraçi. Të gjithë ata që duan të shohin Gentën live, çmimi i biletës do të jetë 40 dollarë. Në Miçigan, këngëtarja simpatike do të këndojë më 30 maj në “Macomb Center”, e shoqëruar nga këngëtarja Liria.
Por udhëtimi dhe turneu i Gentës në Shtetet e Bashkuara të Amerikës nuk mbaron këtu. Gjatë qëndrimit të saj atje Genta do të punojë edhe për një këngë të re, e cila titullohet “Planet Me”. Ende nuk dihet nëse kjo këngë do të publikohet për publikun shqiptar dhe atë kosovar apo do të jetë vetëm për tregun muzikor amerikan, por fakti është se Genta duket më se serioze në tentativat e saj për t’u prezantuar në Amerikë.

Burimi: Gazeta Shqiptare

 

 

Këngëtarja, Adelina Berisha, e cila së fundmi është nominuar për video incizimin e saj “Unë jam ajo”, nga “Netët e klipit shqiptar”, ka deklaruar se nuk ka rëndësi nëse e fiton çmimin ose jo, por me rëndësi është se videoklipi pëlqehet edhe në Kosovë edhe në Shqipëri.
Videoklipi më i ri i këngëtares “Unë jam ajo”, i cili është punuar nga Art Fabe ka marrë kritika pozitive nga “Netët e klipit shqiptar”, dhe është pëlqyer shumë nga publiku brenda dhe jashtë Kosovës, ndërsa këngëtarja premton se video incizimi i ardhshëm do të jetë edhe më i mirë.
“Nuk ka rëndësi a marr çmim apo jo, por jam e lumtur që jam nominuar”, ka thënë Adelina për të përditshmen “Lajm”.
Lidhur me përgatitjen e albumit të parë për të rritur, ajo ka thënë: “Po punoj pak më ngadalë, sepse mendoj se kur planifikon të kryhet mirë një vepër ajo e kërkon edhe faktorin kohë”.

 

 

 

Miss Kosova 2003, Agnesë Vuthaj, është caktuar këshilltare për Marrëdhënie me Publikun në Kuvendin Komunal të Mitrovicës.
Në një prononcim për gazetën, “Epoka e re”, Vuthaj ka pohuar për rolin e ri të këshilltares, të cilin e aplikon që nga 21 prilli. Këtë gjë e ka konfirmuar edhe kryetari i Kuvendit Komunal të Mitrovicës, Bajram Rexhepi, duke thënë se Agnesë Vuthaj dhe Fitim Rama janë punësuar në këto pozita.
Rexhepi ka thënë se Vuthaj dhe Rama janë caktuar në këto pozita në bashkëpunim me Fondacionin “Soros” dhe se ata paguhen nga ky Fondacion, ndërsa kanë kontratë gjashtëmujore.
“Besoj se do të mësoj për qytetin pasi tani jam aty”, ka deklaruar Miss Kosova 2003 dhe Miss Shqipëria 2004, e cila i ka mbaruar studimet në Degën e Gazetarisë dhe Komunikimit Masiv në Universitetin AAB.

 

Tre këngëtarët që do ta përfaqësojnë Maqedoninë në Eurosong, paraditën e djeshme e ndalen "vrullin" në Tiranë.
Fundi i majit do të shënojë edhe mbajtjen e festivalit në Beograd, ku Shqipëria do të përfaqësohet nga Olta Boka.
Por, dje ishte dita e përfaqësuesve të Maqedonisë në festival, pasi Tamara, Vercak dhe shqiptari Adrian Gaxha ishin dje në Tiranë, për të promovuar këngën e tyre dhe të Maqedonisë në festivalin evropian.
Ndërsa pas Turqisë, Olta Boka do ta promovojë këngën e saj "Zemrën e lamë peng" edhe në Maqedoni.
*korrieri*

 

 

 

Nuk është çudi t’i hipi avionit dhe të shkoj në Milano, për një veshje që më fiksohet
Sa herë që ngjitet në skenë apo lançon një klip të ri shfaqet interesante dhe shumë e sofistikuar në look këngëtarja Altuna Sejdiu. Veshja për të ka rëndësi të veçantë, pasi shpreh spirtualitetin e një personi. Shpesh është shfaqur ndryshe, duke guxuar dhe eksperimentuar forma nga më të ndryshme. “Tashmë ka kaluar ajo fazë, por gjithsesi njeriu me kalimin e viteve gjen vetveten, nxjerr në pah gjëra, për të cilat nuk ka qenë i vetëdijshëm,” shton Tuna. Madje, ajo thotë se “klipi i fundit “Bileta” zgjoi një pjesë të anës time femërore, që gjithmonë është fshehur si hije e rebelizmit”. Në këtë intervistë ju mund të mësoni gjithçka rreth look-ut, tendencave, stileve, ngjyrave dhe aksesorëve që fshihen në gardërobën e këngëtares së talentuar

 

 

 

Zana Krasniqi ka fituar mbrëmë kurorën e “Miss Univers Kosova 2008” në spektaklin e organizuar nga fotografi i njohur kosovar Fadil Berisha. Me këtë fitore Zana ka marrë vizën për ta përfaqësuar Kosovën, tashmë si shtet, në spektaklin e madh të bukurisë “Miss Universi 2008”, që sivjet do të mbahet në Vietnam. Këtë garë Krasniqi e fitoi duke lënë pas 14 vajza konkurruese nga qytete të ndryshme të Kosovës. Përcjellësja e parë u zgjodh Qëndresa Veliu nga Prishtina, kurse përcjellësja e dytë Elza Marku nga Gjakova. Këtë vendim e ka marrë juria e spektaklit, e përbërë nga personalitete të ndryshme të fushave të artit, si: Nexhmije Pagarusha, Enver Petrovci, Adelina Ismaili, Agnesa Vuthaj dhe të tjerë. Sipas Vuthajt dhe Ismailit, Zana e ka merituar këtë çmim, duke thënë se nuk ka pasur shumë diskutime se kush duhet ta marrë këtë çmim, ngase eksperienca e ka bërë të veten. Spektakli është dashur të realizohej për një kohë shumë të shkurtër. Prandaj, sipas fotografit Berisha, është dashur të zgjedhet një vajzë me eksperiencë, ngase është hera e parë që shteti më i ri në botë, Kosova, merr pjesë në këtë spektakël. Ndonëse për këtë spektakël është dashur të marrë pjesë “Miss Kosova 2007”, Yllka Berisha, kjo nuk ngjau për shkak se Agnesa Vuthaj, e cila organizon këtë spektakël, nuk ka pasur licencë. Në kuadër të spektaklit të mbrëmshëm, të pranishmit u argëtuan nga disa emra të njohur të skenës sonë muzikore si: Rona Nishliu, Nora Istrefi, NRG band dhe Teuta Kurti. KTV

 

 

 

Kritikët e filmit e kanë krahasuar aktoren, Katherine Heigl, me femrën numër një të Hollywoodit, Julia Roberts, duke thënë se ajo është Julia e ardhshme.
Ndërsa Heigl thotë se ky krahasim është fyes për aktoren e filmit “Pretty Woman”, pasi që ajo kurrë s’do të mund ta arrijë suksesin e Julias.
Heigl e ka arritur famën duke u shfaqur në dramën televizive, “Grey's Anatomy”, ndërsa nga ajo kohë ka arritur sukses të madh në filmat e Hollywoodit, siç është filmi i vitit të kaluar, “Knocked Up”.
Paraqitjet e saja filmike kanë fituar kritika pozitive, kështu që shumë shpejt është krahasuar me fituesen e Oskarit, Roberts, e cila po ashtu ka luajtur në një numër të madh filmash romantik gjatë karrierës së saj.

 

 

Kënga e re e këngëtares seksipile shqiptare, Zajmina Vasjari, "Zarfe trëndafilash", të cilën ajo e interpreton me Ratin, sipas tabloidit Bluetooth, është vjedhur nga këngëtaret rumunë, Adrian Minune dhe Simona Sensual.
Kënga është identike në vijë muzikorë me atë të këngëtarëve rumunë Adrian Minune dhe Simona Sensual, që mban pikërisht titullin “Trandafirul De La Tine”, që në shqip përkthehet “Trëndafil nga ti?!”. Edhe titulli i këngës pra, është shumë i ngjashëm.
Dhe nuk mbaron vetëm me kaq. Ka dhe më tepër. Edhe po të shikosh dy videoklipet e këngëve, ato ngjasojnë shumë me njëri-tjetrin. Nëse në videoklipin “Made in Rumania”, këngëtari Ardrian qëndron i ulur në piano dhe këndon, e njëjta gjë si për magji ndodh dhe në klipin shqiptar. Ambientet, dhe pse paksa të ndryshme, krijojnë të njëjtën atmosferë.